.
اعداد و متابعة عمار جهماني
ضيف الحلقه اليوم موهوب كثير وهوا رح يحكي عن حالو لما حكينا معو الاستضافة في حلقه اليوم.
هكي كان كلامه الجميل يلي كلو حيوية: اسمي كوثر قاروط
من مدينة حمص مقيمة بمصياف
عمري ٢٠
بدرس أدب عربي
عندي اهتمام بأكثر من شي وموهبة بأكثر من شي
الكتابة والرسم والخط
اكتشفت موهبة الكتابة عندي بعمر ال ١٢ سنة عن طريق مسابقات الرواد يلي شجعتني عليها انستي باللغة العربية الآنسة سهيلة اصطيفي،
وتابعت فيها لحد اليوم، وانتشرت نصوصي بعدة مدونات ومجلات عربية وعالمية منهن مجلة العربي اليوم
اميرة الكويتية
ومجلة اخرى موقعها في الهند
شاركت بعدة فِرق تطوعية منها مئة كاتب وكاتب في محافظة حمص بصفتي مشروع كاتبة و مدققة في أحد الأقسام
وفريق فيلودوكسيا استلمت فيه بداية إشراف محافظة حمص بعدين استلمت فيه الإشراف العام
شاركت بعدة فعاليات بحمص وبمصياف بالنسبة للرسم درست بمعهد سهيل الأحدب للفنون التشكيلة وتابعت لحالي تطور هالموضوع أما بالنسبة للخط فهو هواية بحبها
بالإضافة لهدول عندي اهتمام بمجال الإعلام خضعت لعدة دورات واشتغلت مع عدة جهات إعلامية منها برنامج أثر، ومع الأستاذ الإعلامي كرم صايغ.
الكتابة بالنسبة الي حاليا تركيزي الأساسي لأن بعتبرها مساحتي الخاصة والحياة يلي فيني قول معزولة عن كل العالم، وأكيد دائما بحاول تطور منها وانشالله قريبًا منشوف تطورات ومفاجآت كتيرة بهالمجال
المشجعين هنن أهلي بشكل أساسي، رفقاتي
أشخاص كانت موجودة بحياتي بوقت ما ، أساتذتي وأخص منهم، الآنسة نور مغيروني يلي آمنت بموهبتي وطموحاتي ودائما شجعتني عليها
والانسة عبير اسماعيل ولقول الكاتبة شجعتني ودفعتني لأحلامي دائما
ربا الخش يلي كانت قدوة الي بقوتها وصبرها هدوءها يلي مرافقني دائما
والأستاذ ثائر أسعد الله يطول بعمره دائما متابع لما أكتب
والانسة عفراء اسماعيل
اكيد أي شخص بواجه صعوبات بالحياة بس الحمدلله دائما بسعى لأتجاوزها وما خليها تأثر على هدفي الرئيسي واكيد بكتير مرات خاب أملي بس دائما الأمل متجدد وفي مقولة كتير بحبها الأشخاص يلي ما خاب أملهن هنن الأشخاص يلي ما تأملوا أبدا
منتمنالك كل الشكر والتقدير و النجاح الدائم
