اعداد و متابعة عمار جهماني
ضيفة الحلقة اليوم فنانه بكل جدارة عندها خامة صوت غير شكل بعذوبة صوتها خلت الحلقه اليوم مليانه حب و نشاط و شغف للغناء عزيمتها وإصرارها خلها تحقق حلمها و تبدع بموهبتها.
ضفتنا الفنانه رند جبر ابنت مدينة جرمانا مقيمة في مدينة دمشق هي صاحبة الصوت الجميل تبلغ من العمر 21 عاما تدرس في الجامعة الافتراضية السورية سنة أولى حقوق وأيضاً سنه تحضيرية في المعهد العالي للفنون المسرحية قسم الغناء الشرقي مع العزف على آلة البيانو و بداية آلة الكلورينيت وهي حاصله على شهاده CPT اعداد مدرب محترف من البورد الألماني و تعمل في مجال الموسيقى كموهبة و دراسة منذ الصغر وضمن ارشيف أعمالها 22 حفله
كبداية حوارها معنا عن الفن أنه جزء في كل شخص فينا لأنو الفن لا ينتهي وأن الموسيقى جزء لا يستغنى عنه لأنه غذاء الروح و حبها و شغفها و لا يمر يوم دون تمرين .
واجهت الكثير من العقبات و الصعوبات والتحديات ولكن العزيمة والإصرار و الإرادة جعلها تستمر حتى الايام الصعبة و الحرب يلي مرينا بيها في سورية كانت مليئة بالحزن لكن إرادتي و عزيمتي كانت أقوى لأنو كلمة لأ ما كانت بتكفي تعبت كتير بس نشكر ربنا لأنو كنت عندي أمل و مع إصراري تخطيت هل الشي
طورت نفسها كثير بشكل كبير بالدراسة العميقة للموسيقى و كيفية قراءة النوطة الموسيقية و بعد ذلك شاركت بحفلات عديدة بدار الأوبرا السورية
وقد شاركت في حفل مع فرقة قصيد بقيادة المايسترو كمال سكيكر بأحياء حفل تكريما لسيدة فيروز و ايضا شاركت بحفلة مع فرقة وزارة التربية بأحياء حفل تكريما للسيد درويش و حفلات عديدة أخرى مع وزارة التربية و بالإضافة لحفلات في بالمسرح الثقافي بمدينة حمص ومنها أمسية شعرية بعنوان فيروزيات و حفل بقلعة حلب و قصر المؤتمرات و مجمع صحاري الذي أقيم به حفل تكريما المتفوقين بالشهادة الثانوية .
وكان هدفها أن تكمل مشوارها في مجالها و تواصل أكثر فأكثر بالإضافة من نشاطها إلى أنها متطوعة في مركز الشباب جمعية تنظيم الأسرة السورية و عملها فيه على توعية الشباب بأهم قضايا المجتمع وتقديم الخدمات للمجتمع في سورية و الفعاليات و الحلول يلي منقدمها.
بالإضافة التدريب اليومي على البيانو وعلى تحمية الصوت بالتالي بدأت مشروع جديد على مواقع التواصل الاجتماعي السوشل ميديا لنشر و تقديم الموسيقى الراقية و أيضا نشاطها في تدريب طلابها الحلوين دروس الصولفيج يلي هيه القاعدة الأساسية في الموسيقى.
وعند سؤال رند عن كيفية اكتشاف المواهب حكتلنا: اكتشفت موهبتي بعمر صغير يعني لما كنت بعمر 12 سنه و ضليت غني و أسمع الاغاني القديمه و احفظها و و جرب اغنيها بعد هل الشي أهلي انتبهوا لهل الموضوع و بدأوا يطوروا من موهبتي يلي سجلوني بمعهد الموسيقى لتدريب و دراسة الموسيقى يلي هما مصدر السعادة و إلهامي و تطوير موهبتي يلي بكنلون كل الشكر والتقدير والاحترام والمحبة .
اكيد أبي كان و رح يبقى الشخص الأساسي يلي بدعمني و بوقف جنبي وقت أضعف أو انكسر لأنو كان يرفع من معنوياتي وإني لا أضعف و يحكيلي هاد حلمك ما تتخلي عنو و ما تخلي حدا يأثر عليكي بكلمة تنمر .
وكان بابا يساعدني و يظل معي لساعات يسمعني أغاني و أنغام لاقدر أحفظهم .
وضمن حديثنا الشيق يلي كان مليان فرح و سعاده مع ضيقة حلقتنا رند جبر لفتت نظري بعبارة أنو الفن ألو أهمية بكل مجالات الحياة أهم شي التواضع و الإنسانية و الاخلاق العالية و المحبة لكل شخص و هل الشي بيطلب طاقة و روح حلوه مثل ضيفتنا.
و عند سؤال رند عن شي حلو عملتو خلال مشوارها الفني ابتسمت و حكت بشجع كثير على الأعمال التطوعية لأنو بتخلق أثر حلو جواتنا و بحياتنا و بشجع على الأعمال يلي بتنبع من القلب انا دائما بسعى على أنو كل شخص موجود بهل الحياة بشوف جواتو هو فعلياً شو بحب لحتى يحقق على يلي بحبو " احلام " .
وبنهاية حوارنا مع فنانتنا الموهوبه حكت شي حلو كتير يلي بدل على الابداع والتميز يلي بتمتلكو حابه أحكي لا يمكن تحقيق النجاح إلا إذا أحببت ما تقوم به لهيك قاتل من أجل حلمك و كن أنت ستصل يوماً.
كل الشكر والتقدير والاحترام لضيفة حلقتنا رند و منتمنالك كل النجاح و التفوق والتميز.